សាកលវិទ្យាល័យ អាស៊ី អឺរ៉ុប​ ៖ ការស្រាវជ្រាវ ជាសសរស្ដម្ភ ចាំបាច់សម្រាប់ វិស័យអប់រំនៅកម្ពុជា

សាកលវិទ្យាល័យ អាស៊ី អឺរ៉ុប​ ៖ ការស្រាវជ្រាវ ជាសសរស្ដម្ភ ចាំបាច់សម្រាប់ វិស័យអប់រំនៅកម្ពុជា

ភ្នំពេញ ៖ នៅថ្ងៃទី១៤-១៥ ខែមករា ឆ្នាំ២០១៧នេះ សាកលវិទ្យាល័យ អាស៊ី អឺរ៉ុប សហការជាមួយ អគ្គនាយក ដ្ឋាន ឧត្ដមសិក្សា ក្រសួងអប់រំ យុវជន និងកីឡា បានរៀបចំសិក្ខាសាលាបណ្ដុះបណ្ដាលមួយដល់បុគ្គលិក សាស្រ្តាចារ្យ និងនិស្សិត សរុបជាងចំនួន៦០នាក់ លើប្រធានបទស្ដីពី «ការកសាងសមត្ថភាពអ្នកស្រាវ ជ្រាវ វ័យក្មេង» ក្រោមអធិបតីភាព លោក ម៉ក់ ងយ អគ្គនាយក នៃអគ្គនាយកដ្ឋានឧត្តមសិក្សា។

ក្នុងអង្គសិក្ខាសាលានេះ មានវាគ្មិនល្បីៗ ដែលមានចំណេះដឹងនិងបទពិសោធជ្រៅជ្រះ និងទទួលបានជោគជ័យ ក្នុងកិច្ចការស្រាវជ្រាវជាច្រើនឆ្នាំ រួមមាន៖ ១)បណ្ឌិត និត ប៊ុនឡៃ អគ្គនាយករង នៃអគ្គនាយកដ្ឋានឧត្តម សិក្សា(ក្រសួងអប់រំ យុវជន និងកីឡា) ឧទ្ទេសនាមប្រធានបទស្តីពី «ការបង្កើតបរិយាកាស ដើម្បីជំរុញវប្បធម៌ ស្រាវជ្រាវក្នុង វិស័យឧត្តមសិក្សានៅកម្ពុជា», ២)បណ្ឌិត ច័ន្ទ រ័ត្ន ប្រធាននាយកដ្ឋានស្រាវជ្រាវវិទ្យាសាស្ត្រ (ក្រសួងអប់រំ  យុវជន និងកីឡា) ឧទ្ទេសនាមប្រធានបទស្តីពី «គោលនយោបាយ ស្រាវជ្រាវរបស់ក្រសួងអប់រំ យុវជន និងកីឡា និង ដៃគូអភិវឌ្ឍន៍», ៣)      លោកស្រី ព្រំម កល្យាណ អនុប្រធាន នាយកដ្ឋានកិច្ចការអាស៊ាន (ទីស្តីការគណៈរដ្ឋមន្ត្រី) ឧទ្ទេសនាមប្រធានបទស្តីពី «ការរៀបចំគម្រោង ស្រាវជ្រាវ និងស្នើសុំមូលនិធិ សម្រាប់ការស្រាវជ្រាវ», ៤)បណ្ឌិត នេត បារមី សាស្រ្តាចារ្យសាកលវិទ្យាល័យ ភូមិន្ទភ្នំពេញ និង ជានាយក ប្រតិបត្តិ ក្រុមហ៊ុន ហ្គ្រីន អ៊ិននើវេសិន សឺវិស ឧទ្ទេសនាមប្រធានបទស្តីពី «ការរៀបចំគម្រោងស្រាវជ្រាវ និង​ស្នើសុំមូលនិធិសម្រាប់ការស្រាវជ្រាវ», ៥)បណ្ឌិត គី សេរីវឌ្ឍន៍ មន្រ្តីស្រាវជ្រាវនៃរាជបណ្ឌិត្យសភាកម្ពុជា ឧទ្ទេសនាមប្រធានបទស្តីពី «វិធីសាស្រ្តប្រមូលនិងវិភាគទិន្នន័យ», ៦) បណ្ឌិត ភូ សម្បត្តិ សាស្ត្រាចារ្យ សាកល វិទ្យាល័យ អាស៊ី អឺរ៉ុប ឧទ្ទេសនាមប្រធានបទស្តីពី «វិធីសាស្រ្តប្រមូលនិងវិភាគទិន្នន័យ», ៧) លោកបណ្ឌិត នេត បារ៉ុម សមាជិកបណ្ឌិតសភាចារ្យបម្រុងនៃរាជបណ្ឌិត្យសភាកម្ពុជា ឧទ្ទេសនាមប្រធានបទស្តីពី  «វិធីសាស្រ្ត​សរសេរ របាយការណ៍ស្រាវជ្រាវ» និង ៨)លោកបណ្ឌិតសភាចារ្យ សោម សុមុនី ប្រធានវិទ្យាស្ថានមនុស្សសាស្ត្រ និងវិទ្យាសាស្ត្រសង្គមនៃរាជបណ្ឌិត្យសភាកម្ពុជា និងជាប្រធានក្រុមប្រឹក្សាបណ្ឌិតសភាវិទ្យាសាស្រ្ត នៃសាកល វិទ្យាល័យ អាស៊ី អឺរ៉ុប ឧទ្ទេសនាមប្រធានបទស្តីពី  «វិធីសាស្រ្តសរសេររបាយការណ៍ស្រាវជ្រាវ»។

ថ្លែងក្នុងកម្មវិធីបើកអង្គពិធីសិក្ខាសាលា លោក ម៉ក់ ងយ មានប្រសាសន៍ថា អគ្គនាយកដ្ឋានឧត្តមសិក្សា និងសាកលវិទ្យាល័យ អាស៊ី អឺរ៉ុប បានអភិវឌ្ឍសមត្ថភាពរបស់ខ្លួន ក្នុងការងារកសាងសមត្ថភាពស្រាវជ្រាវ ដើម្បីមានលទ្ធភាពទាញយកមូលធិនិកាន់តែច្រើនដើម្បីធ្វើការពង្រីកកម្មវិធីឧត្ដមសិក្សា។ ដើម្បីសម្រេច ដល់​ចក្ខុវិស័យ ឆ្នាំ២០៣០ និងឆ្នាំ២០៥០ របស់កម្ពុជា ដែលពេលនោះ កម្ពុជានឹងក្លាយទៅជាប្រទេស រីកចម្រើន​ដែលមាន ចំណូលខ្ពស់ គឺទាមទារឱ្យមានវប្បធម៌នៃការស្រាវជ្រាវជាចាំបាច់ ដែលកើតចេញពីអ្នកស្រាវជ្រាវ​វ័យក្មេងរបស់យើង ចាប់ពេលនេះតទៅ។

ស្ថិតក្នុងឱកាសនេះ ឯកឧត្ដម ម៉ក់ ងយ បានកើតសរសើរចំពោះការរីកចម្រើននិងសក្ដានុពល សាកលវិទ្យាល័យ អាស៊ី អឺរ៉ុប ដែលបានរៀបចំឱ្យមានសិក្ខាសាលានេះឡើង ក្នុងគោលបំណង ជំរុញការស្រាវជ្រាវ​ឱ្យកាន់តែប្រសើរ។

លោកបណ្ឌិត ជា សុភាព សាកលវិទ្យាធិការ សាកលវិទ្យាល័យ អាស៊ី អឺរ៉ុប បានបញ្ជាក់បន្ថែមថា មជ្ឈមណ្ឌល​ស្រាវជ្រាវ និងអភិវឌ្ឍន៍ នៃសាកលវិទ្យាល័យ អាស៊ី អឺរ៉ុប បានរៀបចំនូវចក្ខុវិស័យ បេសកកម្ម និងផែនការយុទ្ធ​សាស្រ្តរបស់ខ្លួន ក្នុងគោលបំណងពង្រឹងការស្រាវជ្រាវដល់បុគ្គលិក សាស្រ្តាចារ្យ និងនិស្សិត ឱ្យមានសមត្ថភាព​ដើម្បីប្រកួតប្រជែងដោយស្មើមុខក្នុងតំបន់ ក៏ដូចជាពិភពលោក។ ហើយ ថ្ងៃនេះ ជាថ្ងៃមួយ សំខាន់ក្នុង​ការកសាង​អ្នកស្រាវជ្រាវថ្មី មានវ័យក្មេង មានថាមពល និងមានសុឆន្ទៈក្នុងការស្រាវជ្រាវ  ដែលជ្រើសរើស ចេញពីមហាវិទ្យា​ល័យនីមួយៗ និងអង្គភាពគ្រប់គ្រងថ្នាក់ក្រោយបរិញ្ញាបត្រនៃសាកលវិទ្យាល័យ អាស៊ី អឺរ៉ុប ដោយសង្ឃឹមថា ផ្តើម​ចេញពីការចេះដឹងថ្ងៃនេះ មហាវិទ្យាល័យនីមួយៗ ដែលមានអ្នកស្រាវជ្រាវថ្មីនឹងចេញដំណើរ ស្វែងរកថវិកា ឬមូលនិធិ ដើម្បីធ្វើការស្រាវជ្រាវ ផលិតស្នាដៃផ្សេងៗទៅតាមការវិវត្តថ្មីៗនៃសង្គមបច្ចុប្បន្ន ៕

សាកលវិទ្យាល័យ អាស៊ី អឺរ៉ុប​ ៖ ការស្រាវជ្រាវ ជាសសរស្ដម្ភ ចាំបាច់សម្រាប់ វិស័យអប់រំនៅកម្ពុជា

សាកលវិទ្យាល័យ អាស៊ី អឺរ៉ុប​ ៖ ការស្រាវជ្រាវ ជាសសរស្ដម្ភ ចាំបាច់សម្រាប់ វិស័យអប់រំនៅកម្ពុជា

សាកលវិទ្យាល័យ អាស៊ី អឺរ៉ុប​ ៖ ការស្រាវជ្រាវ ជាសសរស្ដម្ភ ចាំបាច់សម្រាប់ វិស័យអប់រំនៅកម្ពុជា

សាកលវិទ្យាល័យ អាស៊ី អឺរ៉ុប​ ៖ ការស្រាវជ្រាវ ជាសសរស្ដម្ភ ចាំបាច់សម្រាប់ វិស័យអប់រំនៅកម្ពុជា

សាកលវិទ្យាល័យ អាស៊ី អឺរ៉ុប​ ៖ ការស្រាវជ្រាវ ជាសសរស្ដម្ភ ចាំបាច់សម្រាប់ វិស័យអប់រំនៅកម្ពុជា