សម្តេចតេជោ៖ឡាវសម្រេចដកទ័ពចេញពីតំបន់ព្រំដែនថ្ងៃស្អែក

ភ្នំពេញ៖នៅព្រឹកថ្ងៃទី១២ សីហា ២០១៧ នេះ សម្ដេចតេជោ ហ៊ុន សែន​ នាយករដ្ឋមន្ដ្រីនៃព្រះរាជាណ​ចកក្រកម្ពុជា និង លោក ថោងលន់ ស៊ីស៊ូលីត នាយករដ្ឋមន្ត្រីនៃសាធារណរដ្ឋប្រជាធិបតេយ្យប្រជាមានិតឡាវ បន្ទាប់ពីបានជួបពិភាក្សាការងារទ្វភាគីពិសេសអំពីដំណោះស្រាយកងទ័ពឡាវចូល​មកលើទឹកដីកម្ពុជា​កាលពីពេលថ្មីៗនេះ​ថ្នាក់ដឹកនាំនៃប្រទេស​ទាំង២ បានប្រកាសព័ត៌មានរួមគ្នា នូវលទ្ធផលគួរជាទីមោទនៈ គឺភាគីឡាវ បានយល់ព្រមដកទ័ពចេញអោយផុតពីទឹកដីកម្ពុជាទៅត្រើយម្ខាងនៃទន្លេសេកុង អោយអស់នៅថ្ងៃស្អែកនេះ ហើយកងទ័ពរបស់កម្ពុជា ដែលកំពុងចល័តទៅតំបន់​សមរភូមិនោះ ក៏ត្រូវត្រឡប់ចូលអង្គភាពដើមវិញអោយអស់នៅថ្ងៃនេះ។

នេះបើយោងតាមលទ្ធផលផ្លែផ្កានៃជំនួបរវាងថ្នាក់ដឹកនាំនៃប្រទេសទាំងពីរនាពេលនេះគឺបានបង្ហាញនូវទំនាក់ទំនង​​ដ៏ជិតស្និទ្ធនិងកិច្ចសហប្រតិបត្តិការដ៏ល្អក្នុងនាមជាប្រទេសភូមិផងរបងជាមួយគ្នា ដើម្បីការពារ ផលប្រយោជន៍រួម របស់ប្រជាពលរដ្ឋ និងផលប្រយោជន៍ប្រទេសទាំងពីរ៕

លោកនាយករដ្ឋមន្រ្តីឡាវបានថ្លែងថា៖”ខ្ញុំមានការសោកស្តាយដែលទទួលលិខិតរបស់សម្តេចតេជោហ៊ុនសែននិងឆ្លើយ​តបយឺត”។លោកថា៖ទោះបីយ៉ាងណាលោកបានអះអាងថាការពិភាក្សានេះត្រង់ទៅៗត្រង់មក។លោកបន្តថា៖”សម្តេចតេជោហ៊ុនសែននិងខ្ញុំបានសម្រេចចិត្តដកកងទ័ព។ឥឡូវខ្ញុំបានបញ្ជាឲ្យដកកងទ័ពមិនឲ្យហួសពីថ្ងៃស្អែក”។

សម្តេចតេជោថ្លែងថា៖យកងគិតថាមិនមានបញ្ហាណាដែលយើងមិនអាចដោះស្រាយបានទេ។ខ្ញុំសូមឯកភាពតាមការលើកឡើងរបស់លោកនាយករដ្ឋមន្រ្តីឡាវ”។បន្ទាប់ពីកងវិស្វកម្មកម្ពុជានៅសេសសល់ខ្លះដែលនៅធ្វើផ្លូវហើយសម្តេចបញ្ជាដល់កម្លាំងចូលទៅកាន់ទីបញ្ជាការវិញ។ការងារនៅសល់គណៈកម្មាធិការព្រំដែននិងក្រសួងការបរទេសនឹងពិភា​ក្សាគ្នា។សម្តេចសង្ឃឹមថាប្រជាជនទាំងពីរនៅតាមព្រំដែនថាមិនមានការប៉ះទង្គិចគ្នាតាមព្រំដែននោះទេ។

សម្តេចតេជោថ្លែងថា៖”ខ្ញុំសូមអរគុណដល់លោកនាយករដ្ឋមន្រ្តីឡាវដែលបានដោះស្រាយបញ្ហាទាន់ពេលវេលាដើម្បីប្រ​ជាជននិងប្រទេសជាតិទាំងពីរ”៕សម្តេចតេជោ៖ឡាវសម្រេចដកទ័ពចេញពីតំបន់ព្រំដែនថ្ងៃស្អែកសម្តេចតេជោ៖ឡាវសម្រេចដកទ័ពចេញពីតំបន់ព្រំដែនថ្ងៃស្អែក

 

Leave a Reply

Your email address will not be published. Required fields are marked *