ក្រុមគ្រូបង្រៀនប្រមាណ២០ហែញត្តិដាក់នៅសភាទិវាគ្រូបង្រៀនពិភពលោក

ភ្នំពេញ៖លោកគ្រូអ្នកគ្រូប្រមាណ២០នាក់នៃសមាគមគ្រូងបប្រៀនកម្ពុជាឯករាជ្យ នៅព្រឹកថ្ងៃទី៥ខែតុលាឆ្នាំ២០១៧​នេះបានមកប្រមូលផ្តុំគ្នានៅក្បែរវត្តភ្នំ ដើម្បីតវ៉ាទាមទារលក្ខខ័ណ្ឌមួយចំនួនពីរាជរដ្ឋាភិបាលកម្ពុជា សម្រាប់ឧបត្ថម្ភប្រចាំខែសម្រាប់កូនៗរបស់ពួកគាត់៥០០០០រៀល ក្នុង១ខែនិងការពង្រឹងគុណភាពអប់រំ។ ការតវ៉ាបានធ្វើឡើងក្នុងឱកាសទិវាគ្រូបង្រៀនពិភពលោកថ្ងៃទី៥ខែតុលាឆ្នាំ២០១៧។ការបញ្ជាក់ពីតំណាងសមាគមគ្រូបង្រៀនកម្ពុជាេករាជ្យបាន​ឲ្យដឹងថាញត្តិនឹងត្រូវដាក់នីរដ្ឋសភា គណៈរដ្ឋមន្រ្តីជាដើម៕

 

ក្រុមគ្រូបង្រៀនប្រមាណ២០ហែញត្តិដាក់នៅសភាទិវាគ្រូបង្រៀនពិភពលោកក្រុមគ្រូបង្រៀនប្រមាណ២០ហែញត្តិដាក់នៅសភាទិវាគ្រូបង្រៀនពិភពលោកក្រុមគ្រូបង្រៀនប្រមាណ២០ហែញត្តិដាក់នៅសភាទិវាគ្រូបង្រៀនពិភពលោក

កម្ពុជានឹងបញ្ជូនកម្លាំងវិស្វ័កកម្មមួកខៀវ២១៦នាក់ទៅអាហ្វ្រិកកណ្តាលតាមសំណើរUNនៅចុងខែនេះ

ភ្នំពេញ៖ ​តាមសំណើររបស់អង្គការសហប្រជាជាតិ កម្ពុជាបញ្ជូនកងវិស្វ័កម្មកម្លាំងមួកខៀវចំនួន២១៦នាក់ ទៅកាន់សាធារណៈរដ្ឋអាហ្វ្រិកកណ្តាលដើម្បីប្តូរវេន ក្នុងបំណងស្វែងរកសន្តិភាពសំរាប់ប្រទេសមួយនេះនៅចុងខែតុលាឆ្នាំនេះ។

​ឯកឧត្តម នាយឧត្តមសេនីយ៍ សែម សុវណ្ណនី អគ្គនាយកមជ្ឈមណ្ឌលជាតិ គ្រប់គ្រងកង​កម្លាំងរក្សាសន្តិភាព បោសសំអាតមីន និងកាកសំណល់សង្រ្គាម បានថ្លែង អោយដឹងនៅថ្ងៃទី៤ ខែតុលា ឆ្នាំ២០១៧ថា “នេះជាលើកទី៥ ហើយដែលកម្ពុជា បានបញ្ជូនកម្លាំងទៅកាន់ សាធារណរដ្ឋអាហ្វ្រិកកណ្តាល”។
​កម្លាំងកងវិស្វ័កម្មមួកខៀវចំនួន២១៦នាក់នេះ ត្រូវទៅបំពេញបេសកកម្ម នៅសាធារណរដ្ឋអាហ្វ្រិកកណ្តាល គឺមាន​អមដោយកម្លាំងដោះមីនផងដែរ។ ចំពោះកម្លាំង ត្រូវទៅបំពេញការងាររបស់អង្គការហប្រជាជាតិនេះ ឯកឧត្តម សែម សុវណ្ណនី បានបញ្ជាក់អោយដឹងថា គឺជាកម្លាំងដែលបានទទួលវគ្គហ្វឹកហ្វឺនជំនាញត្រឹមត្រូវតាមស្តង់ដាររបស់ អង្គការសហប្រជាជាតិ ដែលកម្លាំងទាំងនោះ មានមកពីស្ថាប័ន ចំណុះផ្ទាល់ក្រសួងការពារជាតិ កម្លាំងចំណុះមជ្ឈមណ្ឌលជាតិ អគ្គបញ្ជាការដ្ឋាន បញ្ជាការដ្ឋានទ័ពជើងទឹក បញ្ជាការដ្ឋានកងទ័ពអាកាស បញ្ជាការដ្ឋានជាតិប្រឆាំងភេវរកម្ម និងពីស្ថាប័នទ័ពមួយចំនួនទៀត។
​លោកស្រី Marie Odile Emond តំណាងអ្នកសម្របសម្រួលអង្គការសហប្រជាជាតិ ប្រចាំកម្ពុជា ក៏បានថ្លែងប្រាប់ទូរទស្សន៍ហង្សមាសដែរថា “កម្ពុជាបានបញ្ជូនកម្លាំងទាំង២១៦នាក់ទៅកាន់សាធារណរដ្ឋអាហ្វ្រិក កណ្តាលលើនេះ គឺកម្ពុជាបានបង្ហាញអំពីការប្តេជ្ញាចិត្តយ៉ាងមុតមាំរបស់ខ្លួន ក្នុងការគាំទ្រដល់ប្រតិបត្តិការសន្តិភាព របស់អង្គការសហប្រជាជាតិ ដើម្បីដោះស្រាយជម្លោះ ដ៏ស្មុគស្មាញ និងការពារជនស៊ីវិល ដែលជាភារកិច្ចដ៏សំខាន់បំផុត និងជាសក្ខីភាពជាក់ស្តែងផងដែរ។
លោកស្រីបានបន្ថែមថា ព្រឹតិ្តការណ៍ប្រមាណ២៤ឆ្នាំមុន កងរក្សាសន្តិភាពរបស់ អង្គការសហប្រជាជាតិបញ្ជូនមកកាន់កម្ពុជា។ តែបច្ចុប្បន្នកម្ពុជាបានប្រែក្លាយជាប្រទេសមួយបញ្ជូនកម្លាំង និងក្រុមជំនាញចូលរួមប្រតិបត្តិការរក្សាសន្តិភាពរបស់អង្គការសហប្រជាជាតិ ក្នុងនាមមនុស្សធម៌ ទៅកាន់ប្រទេសចំនួន៨រួចមកហើយ។
​គួរបញ្ជាក់ដែរថា ចាប់តាំងពីឆ្នាំ២០០៦មក កម្ពុជាបានបញ្ជូនកម្លាំង ចំនួនសរុបជិត៥ពាន់នាក់ ក្នុងនោះមានកម្លាំងនារីចំនួន២០០នាក់ ទៅចូលរួម បេសកកម្មរបស់អង្គការសហប្រជាជាតិ។ ដែលបច្ចុប្បន្នកម្ពុជាមានកម្លាំងចំនួនប្រមាណជិត១០០០​នាក់ កំពុងបំពេញបេសកកម្មនៅប្រទេសចំនួន៨ រួមមាន ប្រទេសស៊ូដង់​ ស៊ូដង់ខាងត្បូង អាហ្វ្រិកកណ្តាល ឆាដ សាយប្រឹស ស៊ីរី លីបង់ និងម៉ាលី។ ហើយកម្លាំងមួកខៀវទាំងអស់នេះ ដែលធ្វើអោយប្រទេសកម្ពុជា ជាប្រទេសបរិច្ចាគកម្លាំងរក្សាសន្តិភាពច្រើនជាងគេលំដាប់ទី២នៅក្នុងតំបន់អាស៊ាន៕

 

កម្ពុជានឹងបញ្ជូនកម្លាំងវិស្វ័កកម្មមួកខៀវ២១៦នាក់ទៅអាហ្វ្រិកកណ្តាលតាមសំណើរUNនៅចុងខែនេះ

អភិបាលខេត្ត៖ការ គាំពារ និង អភិវឌ្ឍន៍ កុមារតូច ជាចលករមួយសំខាន់សម្រាប់ថ្នាក់ក្រោមជាតិ

 

 

ខេត្តព្រះសីហនុៈ.ការគាំពារនិងអភិវឌ្ឍន៍កុមារតូច ក្នុងវិស័យព័ត៌មាន ដើម្បីលើកកម្ពស់ សមត្ថភាពជំនាញនិងផ្លាស់ប្តូរបទពិសោធន៍ដល់មន្ត្រីរាជការនៃក្រសួងព័ត៌មានសម្រាប់ ប្រព័ន្ធ ផ្សព្វផ្សាយថ្នាក់ក្រោមជាតិ គឺជាគោលនយោបាយជាតិនិងផែនការ សកម្មភាពជាតិស្ដីពីការគាំពារនិងអភិវឌ្ឍន៍កុមារតូច ឆ្នាំ2014 2018។

មានប្រសាសន៍សំណេះសំណាលនាព្រឹកថ្ងៃទី2ខែតុលាឆ្នាំ2017នៅក្នុងសាលាខេត្តព្រះសីហនុរបស់ឯកឧត្តមយន្ត មីនអភិ​បាល​នៃ​គណៈអភិបាលខេត្តព្រះសីហនុ ក្នុងឱកាសអញ្ជើញជាអធិបតីបានវាយតម្លៃថា ការធ្វើសិក្ខាសាលានេះសម្រាប់ប្រព័ន្ធផ្សព្វផ្សាយថ្នាក់ក្រោមជាតិស្តីពីការគាំពារនិងអភិវឌ្ឍន៍កុមារតូចនៅខេត្តព្រះសីហនុលើកនេះគឺជាសក្ខីភាពបញ្ជាក់អំពីការយកចិត្តទុកដាក់ពីសំណាក់គ្រប់ផ្នែកពាក់ព័ន្ធក្នុងការលើកស្ទួយ ការគាំពារនិងអភិវឌ្ឍន៍កុមារ តូច។

ឯកឧត្តម អភិបាលខេត្តព្រះសីហនុ មានប្រសាសន៍បញ្ជាក់បន្ថែមថា ភារកិច្ចចប្បង របស់គំណះកម្មាធិការសម្របសម្រួល បច្ចេកទេសគឺការងារកសាងកម្មវិធីផ្សព្វផ្សាយអប់រំតាមរយះ ប្រពន្ធផ្សព្វផ្សាយដ្នាក់ក្រោមជាតិ ដើម្បីបញ្ជ្រាប់ ការយលដឹងអោយបានទូលំទូលាយ ដល់គ្រប់មជ្ឈដ្ឋាន ប្រជាពលរដ្ឋ ទូទាំងប្រទេស ជា ពិសេស មាតាបីតា អាណាព្យាបាល និងបុគ្គលិក បច្ចេកទេសប្រពន្ធ័ផ្សព្វផ្សាយ អោយបានទទួលនូវចំ ណេះដឹង គ្រប់គ្រាន់ អំពីវិធីគាំពារនិងអភិវឌ្ឍន៍កុមារ តូច ។

ឯកឧត្តម ថាច់ ផែន រដ្ឋលេខាធិការក្រសួង ព័ត៌មាន មានប្រសាសន៍ថា ដើម្បីម្រេចគោលដៅ អភិវឌ្ឍន៍ កម្ពុជា និងជាគោលនយោបាយជាតិស្ដីពី ការគាំពារ កុមារតូច សម្រាប់ទាំងអស់គ្នា នៅឆ្នាំ ២០១៤ ២០១៨ ទាមទាអោយមានការប្តេជ្ញាចិត្ត និង ការខិតខំពីគ្រប់ផ្នែកពាក់ព័ន្ធ ទាំងអស់ នៅថ្នាក់ជាតិ និងថ្នាក់ក្រោមជាតិ តាមរយៈសម្រាប់ប្រព័ន្ធផ្សព្វផ្សា យ បន្ទាប់ពីគោលនយោបាយ ជាតិនិងផែនការស កម្មភាព ជាតិស្ដីពី ការគាពារ នងអភិវឌ្ឍន៍កុមារតូច ឆ្នាំ២០១៤ ២០១៨ ត្រូវបានប្រកាសអោយផ្សព្វផ្សាយ ជាផ្លូវការ កាលពីថ្ងៃទី១កញ្ញាឆ្នាំ២០១៤ ដោយ សម្ដេចអគ្គមហាសេនាបតីតេជោ ហ៊ុន សែន នាយក រដ្ឋមន្ត្រីនៃព្រះរាជាណាចក្រម្ពុជា និងជាប្រធានកិត្តិ យលនៃណៈកម្មាធិការជាតិគាំពារនិងអភិវឌ្ឍនកុមារ តូច៕

សាលាក្រុងភ្នំពេញផ្លាស់ប្តូរមុខដំណែងអភិបាលខណ្ឌនិង អភិបាលរងខណ្ឌជាច្រើនរូប

ភ្នំពេញ៖អាជ្ញាធររាជធានីបានផ្លាស់ប្តូរមុខដំណែងអភិបាលខណ្ឌ អភិបាលរងខណ្ឌជាច្រើនរូប ដើម្បី លើកកម្ពស់ ប្រសិទ្ធិ​ភាពការងារផ្តល់សេវា សាធារណៈជូនប្រជាពលរដ្ឋ ឲ្យកាន់តែប្រសើរឡើង។នៅរសៀលថ្ងៃទី២ ខែតុលានេះ ឯឧ.ឃួង ស្រេង អភិបាលរាជធានីភ្នំពេញ ប្រកាសតែងតាំងអភិបាល ខណ្ឌសែនសុខថ្មី រួមទំាងតែងតាំងអភិបាលរងខណ្ឌ និងតែងតាំងនាយករដ្ឋបាលថ្មី នៅតាមសាលា ខណ្ឌជាច្រើនរូបទៀត ដើម្បីធានាប្រសិទ្ធិភាពក្នុងការគ្រប់គ្រងដឹកនាំភារៈកិច្ចនៅថ្នាក់ខណ្ឌឲ្យកាន់តែ ប្រសើរជាមុន ឆ្លើយតបបានតាមសេចក្តីត្រូវការរបស់ប្រជាពលរដ្ឋ។
នៅក្នុងពិធីនោះបានប្រកាសតែងតាំងលោក ម៉ូវ ម៉ានិត ដែលបច្ចុប្បន្ន ជានាយករដ្ឋបាលសាលាខេត្ត ពោធិ៍សាត់ ឲ្យទៅជាអភិបាលខណ្ឌសែនសុខ ជំនួសលោកប៉ិល កុសល ដែលត្រូវទៅបម្រើការងារនៅ ក្រសួងមហាផ្ទៃ។
តាមសេចក្តីសម្រេចដដែលនេះ បានបញ្ជាក់ឲ្យដឹងថា ទី១ លោក ធិ ងិ ឋានន្តរស័ក្តិវរមន្ត្រីថ្នាក់លេខ៤ ពីអភិបាលរងខណ្ឌជ្រោយចង្វា ឲ្យទៅបម្រើការងារនៅសាលារាជធានីភ្នំពេញ ។ ទី២ លោកស្រី សក់ ចិន្តារី ឋានន្តរស័ក្តិវរមន្ត្រី ថ្នាក់លេខ៣ ពីអភិបាលរងខណ្ឌ៧មករា ឲ្យទៅបម្រើការងារនៅសាលារាជធានីភ្នំពេញ ទី៣ លោក កូប ស្លេះ ឋានន្តរស័ក្តិនាយក្រមការ ថ្នាក់លេខ១ ពីអភិបាលរងខណ្ឌទួលគោក ឲ្យទៅបម្រើការងារនៅសាលារាជធានីភ្នំពេញ ទី៤ លោក អ៊ុក សាកល ឋានន្តរស័ក្តិវរមន្ត្រី ថ្នាក់លេខ១ ពីអភិបាលរងខណ្ឌដូនពេញ ឲ្យទៅបម្រើការងារនៅសាលារាជធានីភ្នំពេញ និងទី៥ លោកស្រី សុត ចណ្ណារា ឋានន្តរស័ក្តិនាយក្រមការ ថ្នាក់លេខ៣ ពីអភិបាលរងខណ្ឌទួលគោក ឲ្យទៅបម្រើការងារនៅសាលារាជធានីភ្នំពេញ។
ចំណែកលោកស្រី ទាវ ឆវីមនីរ៉ា ពីអភិបាលរងខណ្ឌចំការមន ឲ្យទៅជាអភិបាលរងខណ្ឌ៧មករា, ទី ផ្ទេរភារកិច្ចលោកស្រី ព្រុំ រដ្ឋា ពីអភិបាលរងខណ្ឌសែនសុខ ឲ្យទៅជាអភិបាលរងខណ្ឌទួលគោក និងផ្ទេរភារកិច្ចលោកស្រី លី រ៉ូហ្សាមី ពីអភិបាលរងខណ្ឌឬស្សីកែវ ឲ្យទៅជាអភិបាលរងខណ្ឌសែនសុខ។
លោកកៅ សារ៉ាវុធ ប្រកាសតែងតំាងជាអភិបាលរងខណ្ឌជ្រោយចង្វារ ,លោកចាន់ គន្ថេត ប្រកាសតែង តំាងជាងអភិបាលរងខណ្ឌដូនពេញ , លោក ចាន់ បណ្ឌិត ប្រកាសតែងតំាងជាអភិបាលរងខណ្ឌទួលគោក, លោក ស្រី សួស សូលីដា ប្រកាសតែងតំាងជាអភិបាលរងខណ្ឌឬស្សីកែវ និង លោកស្រីកែវ សាម៉ុលប្រកាសតែងតំាងជាអភិបាលរងខណ្ឌខណ្ឌចំការមន ។
រីឯលោកសែម ដារិន ប្រកាសតែងតំាងជានាយករដ្ឋបាលសាលាខណ្ឌជ្រោយចង្វារ .លោក ស៊ឹម សុផល ប្រកាសតែងតំាងជានាយករដ្ឋបាលសាលាខណ្ឌព្រែកព្នៅ ,និងលោកចាប ឌីណា ប្រកាសតែងតំាងជានាយករដ្ឋបាលសាលាដូនពេញ។
ឯឧ. ឃួង ស្រេង អភិបាលរាជធានីភ្នំពេញបានអៈអាងថា ការផ្ទេរភារកិច្ចនិងប្រកាសតែងតែងអភិបាល ខណ្ឌ អភិបាលរងខណ្ឌ និងនាយករដ្ឋបាលខណ្ឌថ្មីដ៏ច្រើននេះ គឺជារឿងធម្មតាតែប៉ុណ្ណោះ ដើម្បីធ្វើយ៉ាងណាធានាដល់ការបំរើប្រជាពលរដ្ឋឲ្យកាន់តែល្អ។
ឯឧ.អភិបាលរាជធានីភ្នំពេញបានដាក់បទបញ្ជាក់ថា ដល់អភិបាលខណ្ឌថ្មីនិងចាស់ទំាងអស់ត្រូវខិតខំ ដោះស្រាយឲ្យបានបញ្ហាស្តាប្រលាយ លូនានានៅក្នុងភូមិសាស្រ្តរបស់ខ្លួន ពិសេសការដោះស្រាយ បញ្ហាសំរាម ដើម្បីបញ្ជៀសការជន់លិចទឹកភ្លៀង៕

សាលាក្រុងភ្នំពេញផ្លាស់ប្តូរមុខដំណែងអភិបាលខណ្ឌនិង អភិបាលរងខណ្ឌជាច្រើនរូប

 

សាលាក្រុងភ្នំពេញផ្លាស់ប្តូរមុខដំណែងអភិបាលខណ្ឌនិង អភិបាលរងខណ្ឌជាច្រើនរូប

ជប៉ុនផ្តល់ជំនួយ៣៥លានដុល្លារ ដល់កម្ពុជា

ភ្នំពេញ៖នៅថ្ងៃទី៣ខែតុលាឆ្នាំ២០១៧ ឯកឧត្ដម ប្រាក់ សុខុន ទេសរដ្ឋមន្រ្ដី រដ្ឋមន្រ្ដីការបរទេសនិងសហប្រតិ បត្តិការអន្តរជាតិកម្ពុជា និងឯកឧត្ដម ហូរីណូអ៊ុជិ ហ៊ីដេហ៊ីសា(HORINOUCHI Hidehisa) ឯកអគ្គរាជទូតជប៉ុនប្រចាំកម្ពុជា បានចុះហត្ថលេខាលើលិខិតប្ដូរសារ និងកំណត់ហេតុនៃការពិភាក្សា ស្ដីពីការផ្ដល់ហិរញ្ញប្បទានឥតសំណង ដែលមានទឹកប្រាក់សរុបចំនួន ៣៩៤២ លានយ៉េន ស្មើរប្រមាណ៣៥លានដុល្លារអាមេរិក សម្រាប់អនុវត្តគម្រោង «សាងសង់ស្ពានបន្ទាន់ នៅតំបន់រងគ្រោះដោយសារទឹកជំនន់» ។

ក្រោមគំរោងខាងលើនេះ ស្ពានចំនួន៥ នៅ លើផ្លូវជាតិលេខ ៧៣ នៅក្នុងខេត្ត ក្រចេះ និងស្ពានចំនួន២ទៀត នៅលើផ្លូវ ជាតិ លេខ១១ នៅក្នុងខេត្តព្រៃ វែង នឹងត្រូវបានសាងសង់សម្រាប់ជំនួសស្ពានដែលកំពុងប្រើប្រាស់នាពេលបច្ចុប្បន្ន ដើម្បីពង្រឹងសមត្ថភាពដឹកជញ្ជូននៅតាមបណ្តោយផ្លូវជាតិទាំងពីរនេះ។
តាមសេចក្ដីប្រកាសរបស់ស្ថានទូតជប៉ុនបានអោយដឹងថា៖ ចាប់តាំងពីខែមេសា ឆ្នាំ២០១៧ កម្ពុជាបាន ទទួលជំនួយអភិវឌ្ឍន៍ផ្លូវការបស់ ជប៉ុន ប្រហែល ២៤៩លានដុល្លារ អាមេរិក ក្នុងនោះរួមមាន ហិរញ្ញប្បទានឥតសំណងប្រមាណ៤០លានដុល្លារអាមេរិក សម្រាប់ការអភិវឌ្ឍធនធានមនុស្ស និងការពារទឹកជំនន់ ព្រម ទាំងការកែលំអរប្រព័ន្ធលូបង្ហូរទឹកនៅរាជធានីភ្នំពេញ និងកម្ចី សម្ប ទានដែលមានទឹកប្រាក់ប្រមាណ២០៩លានដុល្លារអាមេរិកសម្រាប់ ការអភិវឌ្ឍចំណតផែកុងតឺន័រថ្មីនៅក្រុងព្រះសីហនុ៕

 

ជប៉ុនផ្តល់ជំនួយ៣៥លានដុល្លារ ដល់កម្ពុជា

ក្រសួងអប់រំគ្រោងនឹងដាក់បញ្ចូលការបរិច្ចាគឈាមទៅក្នុងកម្មវិធីសិក្សាជាតិ

ភ្នំពេញ៖ក្រសួងអប់រំយុវជននិងកីឡាគ្រោងនឹងដាក់បញ្ចូលការបរិច្ចាគឈាមទៅក្នុងកម្មវិធីសិក្សាជាតិដើម្បីលើកទឹកចិត្តឲ្យមានការបរិច្ចាគឈាមដោយស្ម័គ្រចិត្តនិងមិនគិតកំរ៉ៃ១០០ភាគរយនៅឆ្នាំ២០២០ខាងមុខនេះ។
ថ្លែងក្រោយកម្មវិធីផ្សព្វផ្សាយនិងផ្តល់អំណោយឈាមរបស់បុគ្គលិកអប់រំនៅព្រឹកថ្ងៃទី២៧កញ្ញានៅអគាររដ្ឋបាលពញាហុកក្រសួងអប់រំឯកឧត្តម ហង់ ជួនណារ៉ុន រដ្ឋមន្ត្រីក្រសួងអប់រំយុវជននិងកីឡាបានមានប្រសាសន៍ថាការដាក់បញ្ចូលនូវគោលការណ៍សំខាន់ៗនៃការបរិច្ចាគឈាមទៅក្នុងកម្មវិធីសិក្សានេះគឺដើម្បីបង្កើនចំណេះដឹងស្តីពីសារៈសំខាន់នៃការផ្តល់ឈាមដល់សិស្សនិស្សិតឲ្យចូលរួមបរិច្ចាគឈាមឲ្យកាន់តែផុលផុសថែមទៀតខណៈបច្ចុប្បន្នការបរិច្ចាគឈាមដោយស្ម័គ្រចិត្តនៅមានកំរិតនៅឡើយ។
ឯកឧត្តមបានបញ្ជាក់ថាកម្មវិធីបរិច្ចាគឈាមនេះនឹងជួយជំរុញឲ្យសិស្សនិស្សិតកាន់តែមានភាពក្លាហានថែមទៀតក្នុងការចូលរួមបរិច្ចាគឈាមដើម្បីជួយសង្គ្រោះដល់ជនរងគ្រោះដែលត្រូវការឈាមជាចាំបាច់ ។ចំណែកលោកវេជ្ជបណ្ឌិត ហុក គឹមចេង ប្រធានមជ្ឈមណ្ឌលជាតិផ្តល់ឈាមបានមានប្រសាសន៍ថានាពេលឆាប់ៗនេះមជ្ឈមណ្ឌលជាតិផ្តល់ឈាមនឹងរៀបចំឯកសារដើម្បីធ្វើការពិគ្រោះយោបល់ជាមួយអ្នកជំនាញរបស់ក្រសួងអប់រំដើម្បីដាក់បញ្ចួលគោលការណ៍សំខាន់ៗនៃការបរិច្ចាគឈាមតាមលក្ខណៈវិទ្យាសាស្ត្រនិងវេជ្ជសាស្ត្រទៅក្នុងមុខវិជ្ជាសិក្សាជីវវិទ្យា។
លោកវេជ្ជបណ្ឌិតបានពន្យល់ថាការបរិច្ចាគឈាមមិនមានផលប៉ះពាល់ដល់សុខភាពទេដោយសារឈាមដែលបាត់បង់នោះនឹងកកើតឡើងវិញដោយខ្លួនឯងហើយឈាមដែលបរិច្ចាគនេះក៏ធានាបានប្រកបដោយសុវត្ថិភាពខ្ពស់សម្រាប់ជួយសង្គ្រោះដល់អាយុជីវិតអ្នកជំងឺ។
លោកវេជ្ជបណ្ឌិតបានបន្តថាឈាមដែលទទួលបានពីសប្បុរសជននានាគឺមជ្ឈមណ្ឌលជាតិផ្តល់ឈាមយកទៅជួយសង្គ្រោះអាយុជីវិតអ្នកជំងឺពិសេសអ្នកជំងឺដែលមានការហូរឈាមតាមប្រដាប់រំលាយអាហារ ការវះកាត់ជំងឺបេះ ដូង គ្រោះថ្នាក់ចរាចរណ៍ ករណីនៃការហូរ ឈាមមិនប្រក្រតីនៅមុននិងក្រោយពេលសំរាលកូន ករណីជំងឺខ្សោយតំរង់នោមនិងករណីនៃការព្យាបាលថែទាំ ជំងឺមហារីក។ល។
លោកវេជ្ជបណ្ឌិតបញ្ជាក់ថា៖ការបរិច្ចាគឈាមដោយស្ម័គ្រចិត្តនិងមិនគិតកម្រៃនៅកម្ពុជាបច្ចុប្បន្ននេះមានចំនួនត្រឹមតែ៣​៥ភាគរយប៉ុណ្ណោះចំណែក៦៥ភាគរយទៀតជាការដោះដូរអំ ណោយ ឈាម តាមរយៈសាច់ ញាតិអ្នកជំងឺបរិច្ចាគជំនួស។

សម្ដេចហ៊ុនសែននឹងចូលរួមពិធីបិទទ្វារទំនប់វារីអគ្គិសនីសេសាន ក្រោម ២តម្លៃ៧៨០លានដុល្លារជាផ្លូវការនៅថ្ងៃស្អែក

ភ្នំពេញ៖ សម្តេចតេជោហ៊ុន សែននា យក រដ្ឋមន្ត្រីកម្ពុជាបាន​ អញ្ជើញជាអ ធិបតីក្នុងពិធី​ចុចប៊ូតុងបិទទ្វារទឹក ទំនប់វារីអគ្គិសនីសេសានក្រោម ២ជាផ្លូវការហើយ នៅព្រឹកថ្ងៃច័ន្ទទី២៥ កញ្ញា នេះ ដើម្បីដាក់ឱ្យដំ ណើរការអគ្គិសនី ដែលអាចផ្ដល់ថាមពលបានដល់ទៅ ៤០០ MW (មេកាវ៉ាត់)សម្រាប់បំពេញឲ្យតម្រូវការប្រើប្រាស់។

គួរ​រំលឹកថាកាលពីពាក់ កណ្តាល ខែកក្កដាកន្លងទៅនេះក្រុមហ៊ុនសាងសង់ទំនប់វារីអគ្គីសនីសេ សាន២ ក៍បានធ្វើការបិទ​ទ្វា​ទំនប់វ៉ារីអគ្គីសនីចំនួន​១២​ជាការសាក ល្បងសម្រាប់ជំហានទី១ ដើម្បីជាការ​វាស​​​​ស្ទង់កម្លាំងទឹក​នៅក្នុងរដូវវស្សានេះ។ តាមការគូសបញ្ជាក់ពីអ្នកបច្ចេក ទេស បានឲ្យដឹងថា ក្នុង១វិនាទីទឹកអាចឡើងដល់២៥០០ម៉ែត្រត្រីគុណ។​ទំនប់នេះ នឹង​មានកម្រឹតកម្ពស់ទឹកឡើងរហូតដល់ទៅ៧៥​ម៉ែត្រខ្ពស់ជាងកម្រឹតពីធម្មជាតិ២៥ម៉ែត្រនៅពេលបិទ ទំ នប់ដែលធ្វើឲ្យវារីអគ្គិសនីសេ សានក្រោម២នេះក្លាយទៅជាវារី អគ្គិសនីធំជាងគេបង្អស់នៅកម្ពុជា ដែលមានតម្លៃជាង ៧៨0លានដុល្លារ។

គម្រោងនេះបានចាប់ផ្តើម​សាង សង់​កាល​ពីដើម​ឆ្នាំ​២០១៤​ ថាម ពលអគ្គិសនីដែលផលិតបានពីវារីអគ្គិសនីមួយនេះនឹងអាចផ្គត់ ផ្គង់អគ្គិសនីដល់គ្រួសារប្រជាពល រដ្ឋតាមបណ្តាញបញ្ជូនភ្នំពេញ-កំពង់ចាម-ក្រចេះនិងស្ទឹងត្រែង។ ស្របពេលជាមួយគ្នានេះអាជ្ញាធរ ក៍បានជូនដំណឹងដល់ប្រជា ពល រដ្ឋដែលរស់នៅក្នុងតំបន់អាងទឹកឲ្យមានការត្រៀម​លក្ខណៈ​នូវមធ្យោបាយដឹក ជញ្ជូន ដើម្បីជម្លៀសសត្វ និង ត្រូវប្រមូលទុកដាក់ ផលដំណាំគ្រប់ប្រភេទ ឲ្យបានរួចរាល់ ដើម្បី បញ្ចៀ​ស​គ្រោះថ្នាក់ និងការខូចខាតផលដំណាំ៕

 

សម្ដេចហ៊ុនសែននឹងចូលរួមពិធីបិទទ្វារទំនប់វារីអគ្គិសនីសេសាន ក្រោម ២តម្លៃ៧៨០លានដុល្លារជាផ្លូវការនៅថ្ងៃស្អែក

អភិបាលខេត្តកំពង់ធំ បានអំពាវនាវ ពលរដ្ឋប្រុងប្រយ័ត្ននិងជំងឺឆ្លង

ខេត្តកំពង់ធំ៖អភិបាលខេត្តកំពង់ធំ បានអំពាវនាវ និងធ្វើការអប់រំដល់ប្រជាពលរដ្ឋអំពីជំនឿអរូបិយ ព្រមទាំងនាំយកអំណោយចែកជូនប្រជាពលរដ្ឋ៣៣គ្រួសារ ដែលជួបហានីភ័យ ហើយជំលៀសចេញពីតំបន់ច្រកតោល នៅតំបន់ព្រៃឡង់ ។
បន្ទាប់ពីមានការផ្ទុះជម្ងឺពុលអាហារស្លាប់មនុស្សជាបន្តបន្ទាប់នៅថ្ងៃទី២៣ខែកញ្ញាឆ្នាំ២០១៧ ឯកឧត្តម សុខលូ គណៈអភិបាលខេត្តកំពង់ធំ និងក្រុមការងារ បានចុះសួរសុខទុក្ខ និងណែនាំអប់រំដល់ប្រជាពលរដ្ឋអំពីជំនឿអរូបិយ ព្រមទាំងនាំយកអំណោយទៅចែកជូនជួបហានីភ័យខ្លាចជម្ងឺជំនឿអរូបិយ ចំនួន៣៣គ្រួសារ នៅតំបន់ច្រកតោល ក្នុងនៅឃុំមានរិទ្ធ ស្រុកសណ្តាន់ ខេត្តកំពង់ធំ។
នាឱកាសនោះ ឯកឧត្តម សុខ លូ បានពន្យល់អប់រំណែនាំដល់បងប្អូនប្រជាពលរដ្ឋទំាងអស់ កុំមានការភ័យខ្លាយ ព្រួយបារម្ភ នៅជំនឿអរូបិយនេះ អ្វីដែលសំខាន់នោះ បងប្អូនត្រូវរស់នៅស្អាត ហូបស្អាត ផឹកស្អាត ជាពិសេសកុំបរិភោគសាច់ដែលចម្អិនមិនឆ្អិនល្អ ត្រូវបរិភោគទឹកដាំពុះ ដែលធានាថាមានសុវត្ថិភាព មិនត្រូវប្រើប្រាស់ទឹកតាមដងអូរក្នុងព្រៃ ត្រូវប្រុងប្រយ័ត្នអំពីការយាយីពីសត្វចម្លងជម្ងឺនានា ជាពិសេសមូសដែកគោលញីដែលបង្ករឲ្យកើតជម្ងឺគ្រុនចាញ់ ត្រូវគេងក្នុងមុងជ្រលក់ថ្នាំជានិច្ច មិនត្រូវផឹកស្រាដែលពុំមានប្រភពច្បាស់លាស់ ដោយមិនមានការត្រួតពិនិត្យត្រឹមត្រូវពីមន្ត្រីជំនាញ និងស្រាដែលគេទុកចោល។

ឯកឧត្តមបានសង្កត់ធ្ងន់ថា ចំពោះជំនឿអរូបិយ មិនមែនមិនឲ្យបងប្អូនមិនជឿនោះទេ ប៉ុន្តែបងប្អូនដែលមានជម្ងឺ ត្រូវទៅពិនិត្យជម្ងឺនៅមណ្ឌលសុខភាពជាមុនសិន ហើយការពិនិត្យនេះគឺមិនមានការយកប្រាក់ពីបងប្អូនឡើយ។ក្រោយពីបានស្តាប់នូវការពន្យល់ ណែនាំពីការពីឯកឧត្តម អភិបាលខេត្តរួចមក ប្រជាពលរដ្ឋមានភាពកក់ក្តៅ និងបានសំដែងនូវការសប្បាយចិត្ត លែងមានការភ័យខ្លាចដូចមុន និងថ្លែងអំណរគុណដល់ថ្នាក់ដឹកនាំគ្រប់លំដាប់ថ្នាក់ ដែលតែងយកចិត្តទុកដាក់ បានអប់រំ ណែនាំដល់ពួកគាត់ដល់មូលដ្ឋានផ្ទាល់ដែលជួបបញ្ហានេះ។ ក្នងនោះឯកឧត្តម ឧបត្ថម្ភដល់ប្រជាពលរដ្ឋចំនួន ៣៣គ្រួសារ ដោយមួយគ្រួសារៗទទួលបាន នូវថវិកានិងសម្ភារៈមួយចំនួួនរួមទាំង មុងជ្រលក់ថ្នាំ១ ព្រមទាំងថ្នាំដាកទឹក ការពារមេរោគ ផងដែរ៕

អភិបាលខេត្តកំពង់ធំ បានអំពាវនាវ ពលរដ្ឋប្រុងប្រយ័ត្ននិងជំងឺឆ្លង

ចាប់ខ្លួនមេឃុំគណបក្សសង្គ្រោះជាតិរងការចោទប្រកាន់ថាបានបង្ករហិង្សាក្នុងទំនាស់ពាក្យសម្ដី

កំពង់ចាម៖ មេឃុំគៀនជ្រៃ ស្រុកកំពង់សៀម មកពីគណបក្សសង្គ្រោះជាតិ ដែលទើបជាប់ឆ្នោតថ្មី ត្រូវបានលោកហួតវុទ្ធីព្រះរាជអាជ្ញាខេត្តកំពង់ចាម បញ្ជាឲ្យចាប់ខ្លួនភា្លមៗនៅថ្ងៃទី២១ ខែកញ្ញា ឆ្នាំ២០១៧នេះ ក្រោយប្រើអំពើហិង្សា និងគំរាមកំហែងអាយុជីវិតរបស់ពលរដ្ឋ ដោយគ្រាន់តែមានទំនាស់ពាក្យសម្ដីជាមួយគ្នាបន្ដិចបន្តួច។មេឃុំរបស់គណបក្សសង្គ្រោះជាតិដែលទើបជាប់ឆ្នោតនោះ ឈ្មោះ លីម ប្រុស អាយុ៤៥ឆ្នាំ បានប្រើអំពើហិង្សាដោយចេតនា លើប្រជាពលរដ្ឋឈ្មោះ ទូច ផល្លា អាយុ៣៨ឆ្នាំ និងប្រពន្ធឈ្មោះ ប៉ិច ស្រី។

សមត្ថកិច្ចបានបញ្ជាក់ថា ក្រោយពីមេឃុំរបស់គណបក្សសង្គ្រោះជាតិរូបនេះ បានវាយឈ្មោះ ទូច ផល្លា មួយដៃចំកណ្តាលថ្ងាស ហើយនោះលោកមេឃុំ ក៏បានជេរប្រមាថគំរាមកំហែងលើ ឈ្មោះ ប៉ិច ស្រី ថា «ង៉ែងលើករោងការកូនមិនបានទេ បើហ៊ានលើក គឺដាក់ទង់សហើយ (ដោយឈ្មោះ ប៉ិច ស្រី ជិតដល់ថ្ងៃរៀបការកូន)» និងបានជេរប្រមាថដោយប្រើពាក្យអសុរសដដែលៗ ជាច្រើនលើកច្រើនសារ។

ក្រោយទទួលពាក្យបណ្តឹងពីជនរងគ្រោះ លោកហួតវុទ្ធីព្រះរាជអាជ្ញាអមសាលាដំបូងខេត្តកំពង់ចាម បានចេញដីការឃាត់ខ្លួន លោកមេឃុំរូបនេះជាបណ្តោះអាសន្ន ហើយនាំខ្លួនទៅស្នងការដ្ឋាននគរបាលខេត្តកំពង់ចាម។ករណីនេះដែរបើតាមលោកអែមកុសលស្នងការដ្ឋានខេត្តបានប្រាប់ភ្នាក់ងារហង្សមាសថានៅព្រឹកថ្ងៃទី២៣ខែកញ្ញាឆ្នាំ២០១៧នេះនឹងបញ្ចូនលោកមេឃុំគៀនជ្រៃដែលប្រើហិង្សាទៅកាន់តុលាការចាត់តាមនីតិវិធី៕

 

ចាប់ខ្លួនមេឃុំគណបក្សសង្គ្រោះជាតិរងការចោទប្រកាន់ថាបានបង្ករហិង្សាក្នុងទំនាស់ពាក្យសម្ដី

លោក គង់ ណៃសិល្បករចាប៉ីដងវែងជើងចាស់របស់កម្ពុជាទទួលបានពានរង្វាន់សិល្បៈលេចធ្លោពីប្រទេសជប៉ុន

ភ្នំពេញ៖ លោក គង់ ណៃ សិល្បករចាប៉ីដងវែងជើងចាស់របស់កម្ពុជា បានទទួលពានរង្វាន់ពីប្រទេសជប៉ុន លើ ផ្នែកចូលរួមថែរក្សាសិល្បៈ ដែលមានភាពលេចធ្លោនៃវប្បធម៌អាស៊ី។

ឯកឧត្តម ហាប់ ទូច អគ្គនាយកបច្ចេកទេសវប្បធម៌ នៃក្រសួងវប្បធម៌ និងវិចិត្រសិល្បៈ នៅថ្ងៃទី១៥ ខែកញ្ញានេះ បានឲ្យដឹងថា លោកព្រឹទ្ធាចារ្យកោសល្យវោហារ គង់ ណៃ ដែលជាសិល្បករចាប៉ីដងវែងជើងចាស់របស់កម្ពុជា នឹងត្រូវទៅ ប្រទេសជប៉ុន នាថ្ងៃទី២១ ខែកញ្ញាខាងមុខនេះ ដើម្បីទទួលពានរង្វាន់សិល្បៈលេចធ្លោនៃវប្បធម៌អាស៊ីនៅឆ្នាំ២០១៧នេះពីគណៈកម្មាធិការពានរង្វាន់ក្រុងហ្វុគុអូកា។
ថ្លែងក្នុងសន្និសីទសារព័ត៌មាន នាទីស្តីការកក្រសួងវប្បធម៌ និងវិចិត្រសិល្បៈ ឯកឧត្តម បានបញ្ជាក់ថា លោកព្រឹទ្ធាចារ្យកោសល្យវោហារ គង់ ណៃ គឺជាជនជាតិខ្មែរទី៣ ដែលបានទទួលពានរង្វាន់ផ្នែកនេះពីប្រទេសជប៉ុន បន្ទាប់ពីលោកព្រឹទ្ធាចារ្យទេពបញ្ញាកោសល្យវិទ្យា ឆេង ផុន ដែលទទួលបានពានរង្វាន់ធំនៅឆ្នាំ១៩៩៧ និងលោកសាស្ត្រាចារ្យបណ្ឌិត អាំង ជូលាន ម្ចាស់ពានរង្វាន់ធំនៅឆ្នាំ២០១១។ ឯកឧត្តមមានប្រសាសន៍ថានេះគឺជាកិត្តិយស និងផលប្រយោជន៍ចំពោះកម្ពុជា នៅពេលសិល្បៈ ចាប៉ីដងវែងរបស់កម្ពុជា ត្រូវបានផ្តល់ចំណាត់ថ្នាក់នៃភាពលេចធ្លោ ក្នុងចំណោមវប្បធម៌នៃ ប្រទេសនៅក្នុងតំបន់អាស៊ី ស្របពេលសិល្បៈអរូបិយនេះ ត្រូវបានអង្គការយូណេស្កូ ដាក់បញ្ចូលក្នុងបញ្ជីសម្បត្តិបេតិកភណ្ឌវប្បធម៌ពិភពលោក កាលពីខែវិច្ឆិកា ឆ្នាំ២០១៦កន្លងទៅ។

បន្ទាប់ពីទទួលបានពានរង្វាន់នេះហើយ រាជរដ្ឋាភិបាលកម្ពុជា នឹងធ្វើពិធីដង្ហែចេញពីព្រលានយន្តហោះអន្តរជាតិភ្នំពេញ ឆ្ពោះទៅកាន់សាលសន្និសីទចតមុខ នៅថ្ងៃទី២៤ ខែកញ្ញា ហើយបន្ទាប់មកសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនឹងធ្វើពិធីប្រគល់គ្រឿងឥស្សរិយយសនៅថ្ងៃទី២៩ ខែកញ្ញា ។
សូមបញ្ជាក់ថា ពានរង្វាន់ហ្វុគុអូកានេះ ត្រូវបានរដ្ឋាភិបាលជប៉ុន បង្កើតឡើងនៅឆ្នាំ១៩៩០ ក្នុងគោលបំណងផ្តល់កិត្តិយសដល់បុគ្គល ក្រុម ឬ ស្ថាប័ននានា ដែលមានស្នាដៃលេចធ្លោក្នុងការថែររក្សា និងបង្កើតនូវវប្បធម៌អាស៊ីមួយ ប្រកបដោយលក្ខណៈពិសេស និងភាពចម្រុះ សំដៅជំរុញការផ្លាស់ប្តូរវប្បធម៌ទៅវិញទៅមក និងលើកកម្ពស់ការយល់ដឹងអំពីតម្លៃនៃវប្បធម៌អាស៊ី៕

លោក គង់ ណៃសិល្បករចាប៉ីដងវែងជើងចាស់របស់កម្ពុជាទទួលបានពានរង្វាន់សិល្បៈលេចធ្លោពីប្រទេសជប៉ុន