អ្នកវិទ្យាសាស្រ្តស៊ីលី បង្កើតបានម៉ាស៊ីននុយក្លេអែចល័ត

អ្នកវិទ្យាសាស្រ្តស៊ីលី បង្កើតបានម៉ាស៊ីននុយក្លេអែចល័ត

អ្នកវិទ្យាសាស្រ្តមួយក្រុម ក្នុងប្រទេសស៊ីលី អភិវឌ្ឍន៍បានម៉ាស៊ីនថាមពលនុយក្លេអែចល័ត ដ៏តូច ប្រកបដោយសុវត្ថិភាព ដែលអាចយកតាមខ្លួនបានទៀតផង។

ម៉ាស៊ីនថាមពលនុយក្លេអែចល័តនេះ មានទំហំត្រឹមតែ៥០សង់ទីម៉ែត្រ និងកម្ពស់៤៨សង់ទី​ម៉ែត្រ​ប៉ុណ្ណោះ។

លោក Soto ជាអ្នកវិទ្យាសាស្ត្រម្នាក់ឲ្យដឹងថា ក្រោយពីបង្កើតបានហើយ ម៉ាស៊ីននេះបានឆ្លង​កាត់​មន្ទីរពិសោធន៍​ជាច្រើនលើកច្រើនសារ ដោយ​ចំណាយអស់រាប់សែនដុល្លារ មុនពេល​បង្ហាញវត្ត​មាននៅលើទីផ្សារ។ អ្វីដែលសំខាន់ គឺម៉ាស៊ីននេះអាចផ្តល់ថាមពលនុយក្លេអែ ដ៏​សម​ស្រពសម្រាប់ពិភពលោក៕

សណ្ឋាគារ ពន្ធនាគារ

សណ្ឋាគារ ពន្ធនាគារ

បន្ទប់ចង្អៀត គ្រែគែងតូច ហុំព័ទ្ធដោយចំរឹងដែក នេះគឺជាសណ្ឋាគារពន្ធនាគារដំបូងបំផុត ដែលមានក្នុងទីក្រុងបាងកក ប្រទេសថៃ។

សណ្ឋាគារពន្ធនាគារនេះ គឺជាកម្មសិទ្ធរបស់លោក Sittichai Chaivoraprug អាយុ៥៥ឆ្នាំ និងអ្នក​ស្រី Piyanat Teekavanich អាយុ៤៩ឆ្នាំ។ អ្នកទាំង២ឲ្យដឹងថា សណ្ឋាគារពន្ធនាគារនេះ ក្នុងមួយយប់ មានតម្លៃពី២៥ ទៅ៥០ដុល្លារ។ ទិដ្ឋភាពជារួមនៅក្នុងសណ្ឋាគារពន្ធនាគារនេះ គឺដូចជា​ទិដ្ឋភាពក្នុងពន្ធនាគារពិតៗអញ្ចឹង សូម្បីតែសម្លៀកបំពាក់ សម្រាប់អ្នកចូលមក​ស្នាក់​នៅ។

អ្នកស្រី Suwanna Suwannaraj អាយុ៤២ឆ្នាំ មកពីខេត្ត Surat Thani បានមកស្នាក់នៅ​សណ្ឋាគារពន្ធនាគារនេះនិយាយ នៅពេលមកដល់ទីនេះ គាត់មានអារម្មណ៍ថា ខ្លួនដូចជា​អ្នកទោសអញ្ចឹង។

សូមបញ្ជាក់ថា សណ្ឋាគារពន្ធនាគារនេះ បានបើកដំណើរការជាផ្លូវការ តាំងពីខែមេសាម៉្លេះ៕

Omelette យក្ស

Omelette យក្ស

មនុស្សរាប់ពាន់នាក់ បានជួបជុំគ្នាកណ្តាលទីក្រុង Malmedy ក្នុងប្រទេសប៊ែលហ្ស៊ិក កាលពីថ្ងៃ​ម្សិលម៉ិញនេះ ដើម្បីទស្សនាការចំអិន omelette យក្សប្រចាំឆ្នាំ ខួបលើកទី២២ ដែលមាន​ឈ្មោះ​ថា The World Fraternity of Knights of the Giant Omelette។

ប្រធានក្រុមអ្នករៀបចំកម្មវិធីនេះនិយាយថា Omelette​ យក្សនេះធ្វើពីស៊ុតមាន់ជាង១ម៉ឺនគ្រាប់ ចំអិននៅលើខ្ទះទំហំ៤ម៉ែត្រ។

អ្នកស្រីបន្តថា មនុស្សជាច្រើន ដែលមកចូលរួមក្នុង​ព្រឹត្តិការណ៍​នេះ គឺចង់ភ្លក់រសជាតិ omelette យក្សដ៏ធំនេះ។

ទូរស័ព្ទធ្លាក់ពីលើយន្តហោះ កម្ពស់ជាង៣០០ម៉ែត្រ

ទូរស័ព្ទធ្លាក់ពីលើយន្តហោះ កម្ពស់ជាង៣០០ម៉ែត្រ

ទូរស័ព្ទដៃមួយគ្រឿង បានធ្លាក់ពីលើយន្តហោះមួយគ្រឿង ដែលហោះឆ្លងកាត់រដ្ឋ Kentucky សហរដ្ឋអាមេរិក ក្នុងកម្ពស់៣០៥ម៉ែត្រ អ្វីដែលមិនគួរឲ្យជឿគឺ ទូរស័ព្ទនេះនៅតែថតបានគ្រប់​សកម្មភាព ចាប់តាំងពីធ្លាក់ពីលើយន្តហោះ រហូតដល់ដល់ដី។

Robert Ryan​ ជាម្ចាស់ទូរស័ព្ទមួយគ្រឿងនេះឲ្យដឹងថា ទូរស័ព្ទរបស់គេបានធ្លាក់​ពីលើយន្ត​ហោះ ពេលគេធ្វើដំណើរតាមយន្តហោះ ឆ្លងកាត់រដ្ឋ Kentucky។​

វីដេអូនេះបង្ហាញថា ទូរស័ព្ទនេះនៅតែថតបានគ្រប់សកម្មភាពទាំងអស់ តាំងពីធ្លាក់ពីលើយន្ត​ហោះ រហូតមកដល់ដី និងបន្តថតជាធម្មតា រហូតមានបុរស២នាក់រើសបាន៕

ទារក alien

ទារក alien

ទារកម្នាក់ ត្រូវបានគេហៅថាទារក alien ដោយសារតែទារកនេះកើតមកចម្លែកខុសពីគេ ដោយ មានភ្នែកលាន មាត់ធំ និងមានជំងឺប្រះស្បែកផង។

ក្រោយពីផ្តល់កំណើតរួច ម្តាយរបស់ទារក alien នេះ បានបដិសេធមិនទទួលយកកូនរបស់ខ្លួន​ឡើយ។

នារីជាម្តាយ មានអាយុ២៨ឆ្នាំ សម្រាលបានកូនស្រីចម្លែកនេះ នៅក្នុងមន្ទីរពេទ្យរដ្ឋមួយកន្លែង ក្នុងស្រុក Patna ខេត្ត Bihar ភាគខាងកើតប្រទេសឥណ្ឌា។

ប្តីប្រពន្ធវ័យក្មេងមួយគូរនេះ បានហៅទារកដែលខ្លួនបង្កើតបានថាជាទារកបណ្តាសា និងបាន​ប្រកាសមិនទទួលយកទៀតផង។
គ្រូពេទ្យដែលបង្កើតទារកនេះមានជំនឿថា ទារកចម្លែកនេះ មិនអាចមានជីវិតយូរអង្វែងទេ។

មនុស្សជាង១ម៉ឺននាក់ រាំបំបែកឯតទគ្គកម្ម

មនុស្សជាង១ម៉ឺននាក់ រាំបំបែកឯតទគ្គកម្ម

កាលពីថ្ងៃអាទិត្យ ទី១៣កន្លងទៅនេះ មនុស្សច្រើនជាង១ម៉ឺននាក់ ក្នុងប្រទេសឥណ្ឌូនេស៊ី បានប្រមូលផ្តុំគ្នារាំតាមចង្វាក់ប្រពៃណី Saman ដើម្បីបំបែកឯតទគ្គកម្មពិភពលោក និងដើម្បី​ផ្សព្វផ្សាយពីការទទួលបានឯករាជ្យ នៅថ្ងៃទី១៧ ខែសីហា ខាងមុខនេះ។

មនុស្សចំនួន១២,២៦១នាក់ ក្នុងសម្លៀកបំពាក់ប្រពៃណី ពណ៌ខ្មៅ និងពណ៌លឿង អង្គុយ​ជាជួរ ដោយយកដៃគោះស្មា ភ្លៅ ព្រមទាំងច្រៀងចម្រៀងប្រពៃណីផង។

នេះគឺជាលើកទី២ហើយ សម្រាប់ពិធីនេះ ដោយកាលពីឆ្នាំ២០១៤មានអ្នកចូលរួមចំ​នួន​៥,០៥៧នាក់។

សូមបញ្ជាក់ថា ចង្វាក់ប្រពៃណី Saman ក៏ត្រូវបានអង្គការ UNESCO ចាត់ទុកជាសម្បិត្ត​បេតិកភណ្ឌពិភព​លោកផងដែរ។

អាចម៍ផ្កាយ ធ្លាក់មកកាន់ផែនដី

អាចម៍ផ្កាយ ធ្លាក់មកកាន់ផែនដី

លោក Jay Sullivent បានឭសម្លេងយ៉ាងខ្លាំង នៅក្បែរផ្ទះរបស់គាត់ គាត់គិតថា ប្រហែលជា​មានគ្រោះថ្នាក់ចរាចរណ៍ហើយ ប៉ុន្តែនៅពេលគាត់ដើរទៅតាមសម្លេងនោះ ស្រាប់តែប្រទះ​ឃើញ អាចម៍ផ្កាយមួយដុំទំហំ15 inches កំពុងតែឆេះ។

ហេតុការណ៍ធ្លាក់អាចម៍នេះ​ បានកើតឡើងក្នុងទីក្រុង Appling រដ្ឋ Georgia ទឹកដីសហរដ្ឋ​អាមេរិក។

លោក Jay និយាយថា ពីដំបូងឡើយលោកបានឭសម្លេងខ្លាំងមែនទែន លោកស្មានតែមាន​រថយន្តបុកគ្នា ពេលដើរតាមសម្លេងនោះក៏ប្រទះឃើញអាចម៍ផ្កាយមួយដុំកំពុងតែឆេះស្មៅ និងមានសភាពខូងដីផង លោកពិតជាភ្ញាក់ផ្អើលណាស់ ពីព្រោះនេះជាលើ់កទីមួយដែលបាន​ឃើញផ្ទាល់៕

ម៉ាស៊ីនដកពិសខ្ទួយ

ម៉ាស៊ីនដកពិសខ្ទួយ

ពិសរបស់សត្វខ្ទួយ អាចបង្ករជាគ្រោះថ្នាក់ធ្ងន់ធរដល់មនុស្ស។

ថ្វីត្បិតថាពិសសត្វខ្ទួយមានគ្រោះថ្នាក់ ប៉ុន្តែមនុស្សនៅតែត្រូវការវា ដើម្បីយកទៅផលិតជា​ឱសថ។

បច្ចុប្បន្នអ្នកវិទ្យាសាស្រ្តនៅសាកលវិទ្យាល័យ Hassan II ក្នុងប្រទេសម៉ារ៉ក បង្កើតបានម៉ាស៊ីន​យក​ពិស​ខ្ទួយប្រកបដោយសុវត្ថិភាព និងឆាប់រហ័ស។ ម៉ាស៊ីនប្រភេទថ្មីនេះហៅកាត់ថា VES-4។

ក្រុមអ្នកស្រាវជ្រាវខាងលើបានឲ្យដឹងថា អ្នកប្រកបអាជីវកម្មយកពិសខ្ទួយ ដោយប្រម៉ាស៊ីន​នេះ​អាចរកចំណូលបានច្រើន ជាងការយកពិសខ្ទួយដោយដៃ ដែលអាចប្រឈមគ្រោះថ្នាក់។ សូមបញ្ជាក់ថា ពិសខ្ទួយក្នុងមួយក្រាម មានតម្លៃដល់ទៅជាង៨ពាន់ដុល្លា៕

បុរសម្នាក់បានបំបែកឯកទគ្គកម្មពិភពលោក ដោយយកដុំស៊ីម៉ងដាក់នៅលើទ្រូង ហើយបំបែកវា ដោយប្រើរយះពេលលឿនបំផុត

បុរសហាត់ក្បាច់គុណម្នាក់នៅប្រទេសទួរគី បានបំបែកឯកទគ្គកម្មពិភពលោក ដោយបានយក ដុំស៊ីម៉ងចំនួន១៦ដុំ មកដាក់នៅលើទ្រូងរបស់គាត់ ដោយអោយបុរសមា្នក់ដែលមានទំងន់ដៃ ធ្ងន់ យកញញួរបំបែក ដោយប្រើរយះពេលលឿនបំផុតរហូតទៅដល់ 4.75វិនាទី វាពិតជា អស្ចារ្យខ្លាំងណាស់។

Ali Bahcetepe(អាលី បាស្សេអេប៉េ) ធ្លាប់បានសម្តែងបែបនេះកន្លងរួចមកហើយ តែមិនបាន ប្រើរយះពេលលឿនបំផុតដូចពេលនេះទេ វាពិតជាគួរអោយភ្ញាក់ផ្អើលខ្លាំងណាស់សម្រាប់រួប លោក ។

បុរសម្នាក់បានបំបែកឯកទគ្គកម្មពិភពលោក ដោយយកដុំស៊ីម៉ងដាក់នៅលើទ្រូង ហើយបំបែកវា ដោយប្រើរយះពេលលឿនបំផុត

បុរសម្នាក់បានបំបែកឯកទគ្គកម្មពិភពលោក ដោយយកដុំស៊ីម៉ងដាក់នៅលើទ្រូង ហើយបំបែកវា ដោយប្រើរយះពេលលឿនបំផុត

ទូរស័ព្ទមិនប្រើថ្ម

ក្រុមអ្នកស្រាវជ្រាវនៅសហរដ្ឋអាមេរិក អភិវឌ្ឍន៍បានទូរស័ព្ទដៃ មិនប្រើថ្មដំបូងបំផុតក្នុងពិភពលោក។

ទូរស័ព្ទមិនប្រើថ្ម
ក្រុមអ្នកស្រាវជ្រាវខាងលើបានឲ្យដឹងថា ទូរស័ព្ទមិនប្រើថ្មប្រភេទថ្មីនេះ ដំណើរការដោយរលកសញ្ញាហ្វ្រកង់។ ការអភិវឌ្ឍន៍ថ្មីនេះ ត្រូវការថាមពលរលកសញ្ញាតិចតួចបំផុត គឺត្រឹមតែ២ទៅ៣ microwatts ប៉ុណ្នោះ។

ទូរស័ព្ទមិនប្រើថ្ម
អ្នកស្រាវជ្រាវខាងលើបន្តថា រលកសញ្ញាគឺស្ថិតនៅជុំវិញយើង ឧទាហរណ៍ដូចជា ស្ថានីយ៍វិទ្យុ ស្ថានីយ៍ទូរទស្សន៍ និងប្រភេទអង់តែនទូរស័ព្ទជាដើម ទាំងនេះសុទ្ធតែជាប្រភពផ្តល់រលកសញ្ញាហ្វេកង់។